Մարտի 28-ին ՝ժամը 14.50-ին, ստացված տեղեկության համաձայն` Վայոց ձորում՝ Եղեգնաձոր-Երևան ավտոճանապարհի 21-րդ կիլոմետրում շրջվել է «Մերսեդես» մակնիշի 22 Ա 58110 պետհամարանիշի ավտոցիստեռը:
Ինչպես հաղորդում է Հայաստանի արտակարգ իրավիճակների նախարարությունը, դեպքի վայր է մեկնել մեկնել փրկարարական ուժերի վարչության փրկարական ջոկատը, ինչպես նաև մեկ մարտական հաշվարկ:
Պարզվել է, որ դեռևս չպարզված հանգամանքներում Իրանի Իսլամական Հանրապետության քաղաքացի Հաբիթ Տիտիկին պատկանող 22 տ հեղուկ գազով լիցքավորված ավտոցիստեռը դուրս է եկել երթևեկելի մասից և շրջվել: Զոհեր և վիրավորներ չկան, գազի արտահոսք չկա: Գազը նախատեսված է «DD» ընկերության համար, որի ներկայացուցիչը գտնվել է դեպքի վայրում:
Դեպքի վայր ժամանած երկու ավտոկռունկի միջոցով չի հաջողվել ուղղել ավտոցիստեռը:Սահմանվել է հերթապահություն: