Հայաստանում ՓՄՁ զարգացման հիմնական խնդիրը «սահմանների» խնդիրն է, որի պատճառով ներկրման ծավալները զգալիորեն գերազանցում են արտահանումը: Երևանում մարտի 31-ին մամլո ասուլիսում նման կարծիք է հայտնել «Վաճառականների միություն» ՀԿ-ի նախագահ Ցոլվարդ Գևորգյանը: Այդ խնդրի լուծումը նա տեսնում է հսկիչ գները վերանայելու մեջ: «Եկել է ժամանակը, որպեսզի մաքսավորները վերանայեն շուկայի գները: Մաքսազերծման բարձր գների պատճառով ներկրվող ապրանքների գները զգալիորեն բարձր են»,- ասել է նա և խոստովանել, որ ստեղծված իրավիճակում մեծ է տարբերությունն արտադրվող արտադրանքի ինքնարժեքի և վաճառքի գնի միջև:
Ինչ վերաբերվում է փողոցային առևտուրը վերացնելուն, ապա նա կողմ է դրան, բայց կարծում է, որ քաղաքային իշխանությունները պարտավոր էին նախօրոք զգուշացնել առևտրականներին և նրանց համապատասխան տարածք տրամադրեին:
