Օրերս ֆրանսիական ԶԼՄ-ները տեղեկատվություն են տարածել, որ իբր մահացել է աշխարհահռչակ շանսոնյե, Շվեյցարիայում Հայաստանի դեսպան Շառլ Ազնավուրը: ԶԼՄ-ների հրապարակումները մեծ աղմուկ են բարձրացրել, և հենց այդ պատճառով Ազնավուրը որոշել է անձամբ հերքել դրանք: «Ես չեմ մահացել և լիովին առողջ եմ»,- հայտարարել է նա RTL ռադիոյի եթերում: Միաժամանակ, նա նշել է, որ դա առաջին դեպքը չէ, երբ ԶԼՄ-ները գրում են նրա վախճանի մասին:

«Կան մարդիկ, որոնք, հնարավոր է, ցանկանում են, որպեսզի ես մահանամ, բայց ցավում եմ այդ մարդկանց համար, որովհետև ես նրանցից երկար կապրեմ», հաղորդում է TeleOBS-ը:

Մայիսի 22-ին աշխարհահռչակ շանսոյեն նշում է իր 87-ամյակը: