Արարատ լեռը բարձրանալու թույլտվության իրավունքը Թուրքիայի Գլխավոր շտաբից փոխանցվել է Աղրիի նահանգապետարանին: Թուրքիայի բնապահպանության և անտառտնտեսության նախարարության գլխավոր տնօրեն Յաշար Դոսթբիլի խոսքով, Գլխավոր շտաբի թույլտվությունը չէր համապատասխանում Արարատի բնապահպանության և մաքրության նորմերին: «Այժմ մենք պարզեցրել ենք լեռը բարձրանալու թույլտվության տրամադրումը: Մեր քաղաքացիները կարող են ուղղակիորեն Աղրիի նահանգապետարան դիմել, իսկ արտասահմանցիները թույլտվություն կստանան իրենց դեսպանատների միջոցով: Անվտանգության գործառույթները դրված են Աղրիի նահանգապետարանի վրա»,- ասել է Դոսթբիլը, գրում է թուրքական Hurriyet թերթը:
Մինչև 1982 թվականը Արարատ լեռը փակ էր զբոսաշրջիկների համար, որովհետև լեռան վրա տեղակայված էին ինքնաթիռներին ու հրթիռներին հետևելու ռադարային սարքավորումները: ԽՍՀՄ փլուզումից հետո այդ սարքավորումների անհրաժեշտությունը վերացավ:
Թուրքիայում Արարատ լեռն անվանում են Աղր դաղ` Սպիտակ լեռ:
