Հայաստանի Ազգային պատկերասրահի տնօրեն Փարավոն Միրզոյանը հրաժարվել է Հայաստանի կրթության և գիտության նախարարության շնորհակալագրից: «Արվեստի վաստակավոր գործչին շնորհակալագրեր չեն տալիս»,- ասել է Միրզոյանն ու իրեն հանձնված շնորհակալագիրը սեղանին դրել:
Շնորհակալագիրը Երևանի Գեղարվեստի պետական ակադեմիայի 65-ամյակի կապակցությամբ Միրզոյանին շնորհվել է Հայաստանի կրթության և գիտության նախարար Արմեն Աշոտյանի կողմից Հայաստանի վարչապետ Տիգրան Սարգսյանի, Հայաստանի Գիտությունների ազգային ակադեմիայի տնօրեն Ռադիկ Մարտիրոսյանի, արվեստի վաստակավոր գործիչների ու լրագրողների ներկայությամբ:
Բացի կրթության և գիտության նախարարության շնորհակալագրից դասախոսներին և աշխատակիցներին շնորհակալագրեր և Հայաստանի վարչապետ Տիգրան Սարգսյանի ոսկե մեդալներ են շնորհվել, իսկ Ակադեմիայի դիզայնի ամբիոնի վարիչ Գագիկ Գևորգյանին Հայաստանի նախագահ Սերժ Սարգսյանի հրամանագրով «Արվեստի վաստակավոր գործչի» կոչում է շնորհվել:
