Ապրիլի 8-ին Մատենադարանի հարակից տարածքում տեղի է ունեցել Երևանի քաղաքապետարանի կողմից ի գիտություն ընդունված` Հայ ազգային կոնգրեսի հանրահավաքը: Այդ մասին հաղորդում է ՀՀ ոստիկանության հասարակայնության հետ կապի և լրատվության վարչությունը:
Հաղորդագրության համաձայն, հանրահավաքը սկսվեց ժամը 18.15-ին: Մասնակցում էր 8500 մարդ: Չնայած հասարակական կարգը պահպանող ոստիկանության ծառայողների հորդորներին, հանրահավաքի մասնակիցների մի մասն այդ ընթացքում փակել էր Մաշտոցի պողոտայի և Կորյունի փողոցի հատման հատվածը` խոչընդոտելով երթևեկությունը: Ժամը 19.20-ի սահմաններում կազմակերպիչների կոչով հանրահավաքի մասնակիցները շարժվեցին դեպի Օպերայի հրապարակ:
Բանակցությունների արդյունքում ոստիկանները թույլատրեցին հանրահավաքը շարունակել Օպերայի հրապարակում: