Կիպրոսում մեկնարկել է Ներկայացուցիչների պալատի համար թեկնածուների առաջադրումը: Կղզում ընտրությունները կկայանան մայիսի 22-ին: Կիպրոսի խորհրդարանում նախատեսված են նաև երեք ներկայացուցիչներ կրոնական խմբերից` կաթոլիկներից, մարոնիտներից և հայերից: Կենտրոնական ընտրական հանձնաժողովի նախագահ Դիմիտրիս Դիմետրուի խոսքով, խորհրդարանում բոլոր թեկնածուներն ու երեք կրոնական խմբերի ներկայացուցիչները կգրանցվեն մայիսի 3-ին:
Կիպրոսում խորհրդարանական ընտրությունները տեղի են ունենում յուրաքանչյուր հինգ տարին մեկ: 56 պատգամավորներ ներկայացնում են հունական համայնքը, 24-ը` թուրքական: Կրոնական խմբերից թեկնածուներն ընտրվում են համայնքներում, այդպես Վարդգես Մահտեսյանն ընտրվել է հայ համայնքի կողմից, Անտոնիս Խացիրուսոսը` մարոնիտների և Բենիտո Մանտովանին` կաթոլիկների, գրում է Financial Mirror.com-ը: