Ճարպակալությունը ոչ միայն գեղագիտական խնդիր է, այլ նաև լուրջ առողջական խնդիր: Այդ մասին Երևանում կայացած մամլո ասուլիսում հայտարարել է «Երևան» բժշկական կենտրոնի փոխտնօրեն, էնդոկրինոլոգ Բամինե Բաղրամյանը: Ընդ որում, նա նշել է, որ ճարպակալման պատճառ կարող է հանդիսանալ սխալ սնունդն ու պասիվ ապրելակերպը: Նա հայտնել է նաև, որ ճարպակալումը կարող է հանգեցնել դեպրեսիայի: «Շատ մարդիկ ճիշտ չեն պայքարում ճարպակալության դեմ: Մարդիկ մտածում են, որ եթե իրենք սպորտով են զբաղվում, ուրեմն, պետք է նիհարեն: Սակայն, դա բավարար չէ: Հարկավոր է հետևել նրան, թե ինչպես եք սնվում կամ արդյունք չի լինի»,-ասել է փորձագետը:
Բամինե Բաղրամյանը հայտնել է նաև, որ հետազոտություններն ԱՄՆ-ում ցույց են տվել, որ մեծերի մոտ ճարպակալման դեպքերն աճել են երկու անգամ, իսկ երեխաների մոտ՝ երեք անգամ:
