Մայիսի 4-ին Ալավերդիում բացվեց վերանորոգված բժշկական կլինիկա, ֆինանսավորված ԱՄՆ կառավարության կողմից: Կլինիկան, որի վերանորոգման գինը 75,000 ԱՄՆ դոլար է, Միացյալ Նահանգների մարդասիրական օգնության ամենամեծ վերանորոգման ծրագիրն է Հայաստանում: Նոր սարքավորումներով հագեցած բժշկական կլինիկան կծառայի Լոռու և Տավուշի բնակիչներին: Հունական Բժշկական Ֆոնդի (Greek Medical Fund) “Hippocrates – Armenia” կազմակերպությունը, որը 2001 թ.-ից սկսած հովանավորվում է Միացյալ Նահանգների կառավարության կողմից, կղեկավարի կլինիկան:
Հունական Բժշկական Ֆոնդը սոցիալապես խոցելի խմբերին և պակաս ռեսուրսավորված հաստատություններին տրամադրում է անվճար բժշկական ծառայություններ և տարածում դեղագործական և բժշկական պարագաներ: Ֆոնդը նաև իրականացնում է շարժական այցելություններ հեռավոր գյուղեր: Նոր վերանորոգված կլինիկան կծառայի ի նպաստ տարածաշրջանի բոլոր բնակիչների և կտրամադրի բարձրորակ բժշկական խնամք:
