Շուշիի ազատագրումը բավական խորհրդանշական էր: Այդ մասին Երևանում մամլո ասուլիսում հայտարարել է գրկանագետ, արցախյան պատերազմի մասնակից Վարդան Դևրիկյանը` հիշեցնելով հին ասացվածքը. «Ում պատկանում է Շուշին, նրան պատկանում է Ղարաբաղը»: Նա հավելել է, որ Ստեփանակերտում և հարակից գյուղերում կյանքը կախված էր Շուշիից, որտեղից մշտապես կրակ էին արձակում: Գրականագետը նշել է, որ Շուշիի ազատագրումով հայերին հաջողվեց հաղթահարել հոգեբանական խնդիրներ, նրանք, վերջապես, կարողացան նահանջներից ու պարտություններից անցնել հաղթանակի: Միաժամանակ նա նշել է, որ հայերը պետք է հաղթահարեն մեկ այլ հոգեբանական արգելք և վերադառնան բնակվելու Շուշիում և Արցախի այլ ազատագրված վայրերում: