Ճապոնիայի վերականգնումը մարտին տեղի ունեցած երկրաշարժից և դրան հետևած ցունամիից հետո կարող է արժենալ 10-15 տրիլիոն յեն (184 մլրդ դոլար): Այդ մասին հաղորդում է Reuters-ը՝ մեջբերելով Ճապոնիայի էկոնոմիկայի նախարար Կաորու Յոսանոյին: Նրա խոսքերով, պետությանը կարող է անհրաժեշտ լինել արժեթղթերի թողարկում երկրի վերականգնման ծախսերը փակելու համար, սակայն այն չպետք է մոռանա դրանց մարման հետագա ուղիների մասին:

Ճապոնիայի վարչապետ Նաոտո Կանն ապրիլի վերջին հայտարարել էր տնտեսական և սոցիալական միջոցները վերանայելու մասին, որոնք հաշվի են առնելու երկրաշարժի հետևանքով առաջացած փոփոխությունները: