Արցախում կարող է տեղադրվել Վաչագան Բարեպաշտի արձանը
Մայիսի 25-ին Արցախի Հանրապետության նախագահ Բակո Սահակյանն ընդունել է բարերար Արմեն Դավթյանին, ով նախագահին է նվիրել նկարիչ Մարտիրոս Ալագյանի Վաչագան Բարեպաշտի դիմանկարը:
Ինչպես հաղորդում է Արցախի Հանրապետության նախագահի աշխատակազմի տեղեկատվության գլխավոր վարչությունը, երկրի ղեկավարը երախտագիտություն է հայտնել բարերարին` ընդգծելով, որ Վաչագան Բարեպաշտի գործունեությունը և նրա թողած քաղաքական, իրավական ու մշակութային ժառանգությունը հանդիսանում է հայկական պետականության բաղկացուցիչ մասը և պահանջում է ավելի խորը ուսումնասիրություն:
Նախագահը նաև նշել է, որ քննարկվում է Վաչագան Բարեպաշտի արձանն Արցախում տեղադրելու հարցը:
Բակո Սահակյանը Վաչագան Բարեպաշտի դիմանկարը փոխանցել է Արցախի կերպարվեստի թանգարանին:
