Վանաձորի «Հորովել» երգի և պարի անսամբլը Երևանում համերգով նշեց իր հիմնադրման 40-ամյակը
Մայիսի 30-ին Գաբրիել Սունդուկյանի անվան ազգային ակադեմիական թատրոնում կայացավ Վանաձորի «Հորովել» երգի և պարի անսամբլի համերգը` նվիրված համույթի հիմնադրման 40-ամյա հոբելյանին: Համերգին ներկա էր վարչապետը` տիկնոջ` Գոհար Սարգսյանի և ՀՀ մշակույթի նախարար Հասմիկ Պողոսյանի ուղեկցությամբ:
«Հորովել» համույթը համերգներով հանդես է եկել Հյուսիսային Կովկասի, Միջին Ասիայի և Ռուսաստանի բազմաթիվ քաղաքներում, մասնակցել է միջազգային փառատոնների Լեհաստանում, Գերմանիայում, Ֆրանսիայում, Ուկրաինայում, Իտալիայում և այլ երկրներում:
Ինչպես հաղորդում է ՀՀ կառավարության մամլո ծառայությունը, համերգն անցկացվել է Հայաստանի Հանրապետության վարչապետ Տիգրան Սարգսյանի հովանու ներքո:
