Եթե այսօր բնությունը տաք ու արևոտ օր է պարգևել, ապա դա կրկնակի ուրախալի է, քանի որ ամռան առաջին օրը շատ երկրներում նշվում է Երեխաների պաշտպանության միջազգային օրը:
Երեխաների պաշտպանության միջազգային օրն ամենահին միջազգային տոներից մեկն է: Այս օրը նշելու մասին որոշումն ընդունվել է 1925թ. Ժնևում կայացած Համաշխարհային խորհրդաժողովում` նվիրված երեխաների բարեկեցության հարցերին: Պատմությունը լռում է այն մասին, թե ինչու այդ մանկական տոնը որոշվեց նշել հենց հունիսի 1-ին:
Վարկածներից մեկի համաձայն, Սան-Ֆրանցիսկոյում Չինաստանի գլխավոր հյուպատոսը չինացի որբ երեխաների է հավաքել և նրանց համար կազմակերպել Դուան-ու ցզե տոնակատարությունը (Վիշապ-նավակների փառատոն), որը տեղի ունեցավ հենց հունիսի 1-ին: Երջանիկ պատահականությամբ օրը համընկավ Ժնևում «մանկական» խորհրդաժողովի անցկացման ժամանակի հետ:
Հարկ է նշել, որ Երեխաների պաշտպանության միջազգային օրը տոնելու որոշումը հաստատվել է 1949 թվականի նոյոմբերին Ֆրանսիայի մայրաքաղաք Փարիզում` Կանանց միջազգային դեմոկրատական ֆեդերացիայի կոնգրեսի որոշմամբ: Առաջին անգամ «Երեխաների պաշտպանության միջազգային օրը» նշվել է 1950 թվականին:
Բացի դրանից երեխաներին են նվիրված «Երեխայի համաշարհային օրը» (նոյեմբերի 20) և «Աֆրիկայի երեխաների պաշտպանության օրը» (հունիսի 16):