Բուխարեստում ավարտվեց ձյուդոյի Աշխարհի գավաթի խաղարկությունը, որում Հայաստանը ներկայացնում էր Արմեն Նազարյանը:
Հայ ձյուդոիստն իր բոլոր մենամարտերում հաղթանակներ տարավ և անցավ կիսաեզրափակիչ, սակայն այդ փուլում պարտություն կրեց Դանու Խեորխե Ֆասիեից (Ռումինիա), որն էլ հաղթող ճանաչվեց: Երրորդ տեղի համար պայքարում Նազարյանը զիջեց Պավել Զագրոդնիկին (Լեհաստան) և զբաղեցրեց 4-րդ տեղը:
Աշխարհի գավաթում վարկանիշային Օլիմպիական միավորներ էին խաղարկվում, և Նազարյանին հաջողվեց միավորներ հավաքել:
Գավաթից հետո Նազարյանն ու Հովհաննես Դավթյանը Բուխարեստի հարևանությամբ գտնվող Օլիմպիական բազայում քառօրյա հավաք կանցկացնեն և Հայաստան կվերադառնան հունիսի 9-ին: