Երևանում քննարկեցին թրաֆիկինգի դեմ պայքարը
Հունիսի 16-ին Հայաստանի փոխվարչապետ, տարածքային կառավարման նախարար Արմեն Գևորգյանի մոտ կայացավ Հայաստանում մարդկանց շահագործման (թրաֆիկինգի) հարցերով խորհրդի հերթական նիստը։
Ինչպես հաղորդում է տարածքային կառավարման նախարարության հասարակայնության հետ կապերի բաժինը, խորհուրդը քննարկեց Եվրոպայի խորհրդի` թրաֆիկինգի դեմ պայքարի ԵԽ փորձագիտական խմբի (GRETA) կողմից մշակված Մարդկանց շահագործման (թրաֆիկինգի) դեմ պայքարի մասին ԵԽ կոնվենցիայի կիրարկման գնահատման հարցաշարի լրացման վերաբերյալ վերջնական հաշվետվությունը:
Նիստում քննարկվեցին նաև թրաֆիկինգից տուժած անձանց նույնացման, ինչպես նաև թրաֆիկինգի դեմ պայքարի բոլոր թեժ գծերի միասնականացման, դրանց շուրջօրյա գործունեության ապահովման հարցերը:
