Երևանի պետական բժշկական համալսարանում բացվել է Պլաստիկ վերականգնողական և էսթետիկ վիրաբույժների հայկական ասոցիացիայի (AAPRAS) երրորդ միջազգային համաժողովը «Անցանկալի ելքերը և բարդությունները պլաստիկ վիրաբուժության մեջ» թեմայով: Համաժողովն անցկացվում է Պլաստիկ վիրաբույժների միջազգային համադաշնության (IPRAS) և Եվրոպայի պլաստիկ վիրաբույժների համադաշնության (ESPRAS), ինչպես նաև էսթետիկ վիրաբույժների միջազգային ասոցիացիայի հովանու ներքո:

Միջոցառման նպատակն է այլ երկրների պլաստիկ վիրաբույժների հետ գործնական կապերի հաստատման, փորձի փոխանակման միջոցով բարելավել Հայաստանում պլաստիկ վիրաբուժության որակի և բուժման արդյունքը:

Համաժողովին մասնակցում է 150 պլաստիկ վիրաբույժ աշխարհի 20 երկրից: Միջոցառման շրջանակներում կներկայացվի 60 զեկույց:

Համաժողովը կշարունակվի մինչև հունիսի 30-ը: