«Հայրենիք» կինոթատրոնում այսօր բացվեց Հայաստանի 7 քրեակատարողական հիմնարկների դատապարտյալների ձեռքի աշխատանքների ցուցահանդես-վաճառքը: Ցուցահանդեսին ներկայացված են շուրջ 40 դատապարտյալների 200-ից ավելի աշխատանքներ,: Ցուցահանդեսի կազմակերպիչներն են ՀՀ արդարադատության նախարության «Աջակցություն դատապարտյալներին» հիմնադրամը: Հիմնադրամի գլխավոր տնօրեն Կառլեն Թորոսյանի խոսքով, այս տարի ցուցահանդեսի մասնակիցների թիվը աճել է ավելի քան կրկնակի: Ի դեպ, աշխատանքների անունները չեն հրապարակվում: Կ. Թորոսյանը նաև ասաց, որ բոլոր դատապարտյալներին տրամադրվում է անհրաժեշտ հումք, որով դատապարտյալները ողջ տարվա ընթացքում աշխատում են: Հիմնադրամն արդեն պայմանավորվածություն ունի մի քանի հուշանվերների խանութների հետ, և դատապարտյալների աշխատանքները արդեն վաճառվում են: Թորոսյանը հավաստիացրեց, որ դատապարտյալների աշխատանքներից ստացված ողջ հասույթը տրամադրվում է նույն դատապարտյալներին: Ցուցահանդեսի ամենաուշագրավ աշխատանքը մի նկար էր, որի հեղինակը դատապարտվել է նկարներ կեղծելու համար: Այդ նկարը, ամենայն հավանականությամբ, գնելու է ՀՀ արդարադատության նախարար Հրայր Թովմասյանն իր աշխատասենյակի համար: Ցուցահանդեսին ներկայացված են նաև Աբովյանի կանանց քրեակատարողական հիմնարկի ներկայացուցիչների աշխատանքները:
