ՀԱԿ-ը պահանջում է արտահերթ ընտրություններ երկրում արդար ընտրություններ անցկացնելու նպատակով: Այդ մասին Երևանում մամլո ասուլիսում հայտարարել է ընդդիմադիր Հայ ազգային կոնգրեսի անդամ Գուրգեն Եղիազարյանը: «Մենք ցանկանում ենք արտահերթ ընտրությունների անցկացում մի բանի համար` արդար ընտրությունների, այլ ոչ թե հանուն իշխանության»,- հայտարարել է նա:
Իր հերթին ՀՀԿ պատգամավոր Համլետ Հարությունյանը հիշեցրել է Եղիազարյանին, որ Հայաստանում ընտրությունների ժամանակ խախտումները և կեղծիքները սկսվել են այն ժամանակ, երբ նախագահ էր ՀԱԿ առաջնորդ Լևոն Տեր-Պետրոսյանը: «Հիշեք անցյալը և գնահատեք ներկան և ապագան»,- հայտարարել է նա: Եղիազարյանը պատասխանել է, որ նույնիսկ եթե անցյալում եղել են սխալներ, ապա նոր իշխանությունը չպետք է դրանք կրկնի, այլ պետք է ձևավորի նոր քաղաքական մշակույթ:
