«Ռեզոնանսի» և «Ալիա» վրացական թերթերը ակցիա են կազմակերպել լուսանկարիչների աջակցության համար, որոնց ձերբակալել են լրտեսության մեղադրանքով: Հուլիսի 12-ին լույս տեսած թերթերի համարներում Վրաստանի նախագահ Միխայիլ Սահակաշվիլու դեմքը ծածկված է սև քառակուսիներով, հաղորդում է «Ինտերֆաքսը»:
Պատկերների տակ գրություն է` «Այստեղ պետք է լիներ լուսանկար, բայց ֆոտոթղթակիցները ձերբակալված են»:
Վրացի լրագրողներն արդեն մի քանի ակցիա են անցկացրել ձերբակալված լուսանկարիչների աջակցության համար:
2011-ի հուլիսի 7-ին Վրաստանի նախագահ Միխայիլ Սահակաշվիլիի անձնական լուսանկարիչ Իրակլի Գեդենիձեն և ևս չորս լուսանկարիչներ ձերբակալվել են: Վրացական ուժային կառույցների ներկայացուցիչները հայտարարել են, որ նրանց կասկածում են արտասահմանյան հետախուզական ծառայության հետ համագործաակցության մեջ:
