Հայազգի ամերիկաբնակ դերասանուհի Նորա Արմանին մշակում է 2 ֆիլմերի ծրագրեր, որոնցից մեկի նկարահանումը կատարվելու է Հայաստանում: Արմանին շատ չբացեց փակագծերը, որովհետև այն դեռ նախապատրաստական փուլում է, սակայն ասաց, որ նա խաղալու է ֆիլմում գլխավոր դերը և հնարավոր է լինի պրոդյուսերը: Սցենարի հեղինակը լինելու է Գնել Նալբանդյանը: Ֆիլմը պատմելու է հայկական գյուղում հայտնված մի օտարերկրացու մասին, ում գյուղում ոչինչ դուր չի գալիս, բայց վերջում կապվում է գյուղի հետ: Ռեժիսորը, Արմանիի խոսքով կլինի երիտասարդ հայաստանցի ռեժիսոր: Ֆիլմը կնկարահանվի մյուս տարվա ամռանը:
Բացի դրանից, Արմանին աշխատում է մի գրքի վրա, որը պատմում է իր տատիկի ընտանիքի, մասնավորապես տատիկի և 3 քույրերի պատմությունը, որոնցից մեկը տեղափոխվել է Հայաստան, մյուսը Կանադա, երրորդը Ավստրալիա և չորրորդը Եգիպտոս:
Նա նկարահանվում է ԱՄՆ-ում «Ձյուն է Լոս Անջելեսում» անկախֆիլմում, որտեղ մարմնավորում է փաստաբանի: Դերասանուհին գտնում է, որ Հայաստանում մեծ պոտենցիալ կա ֆիլմարտադրության ոլորտում, որի ապացույցն էլ «Ոսկե ծիրան» կինոփառատոնն է: Նա հույս հայտնեց, որ 10-րդ փառատոնը կլինի ամենամեծամաշտաբը: Որպեսզի արվեստը Հայաստանում զարգանա, Արմանին գտնում է, որ պետք է շենքեր կառուցողների համար օրենք սահմանվի, որի համաձայն շենքի մի հատված պարտադիր պետք է տրամադրվի արվեստի բնագավառի հաստատություն ստեղծելու համար:
