Հինգերորդ Համահայկական խաղերի վոլեյբոլի մրցումներում մարզիկներն անում են ամեն հնարավորը, որպեսզի խաղերը լինեն գունեղ ու դիտարժան: Այդպիսին էր նաև Երևան-Թբիլիսի խաղը, որտեղ հաղթեցին երևանցիները: Մեծամորը հաղթեց Ստամբուլին, Ստեփանակերտը՝ Ախալքալաքին:
Կանանց թիմերի պայքարում Լա Կանյադայի ու Աշտարակի թիմերը համառ պայքարեցին, սակայն արդյունքում հաղթեցին ամերիկացիները 3:2 հաշվով: Հաղթական միավորներ վաստակեցին նաև Ստամբուլը, Երևանը ու Թեհրանը:
Խաղերին հետևում է Համահայկական խաղերի համաշխարհային կոմիտեի նախագահ Իշխան Զաքարյանը: Նա գտնում է, որ մասնակիցների խաղն առավել պրոֆեսիոնալ է դարձել: «Համահայկական խաղերի բոլոր մասնակիցները լի են պայքարելու և հաղթելու ցանկությամբ: Նախորդ խաղերի համեմատ պայքարի մակարդակը միանգամայն այլ է»,-ասել է Զաքարյանը:
Օգոստոսի 17-ին բոլոր մասնակիցները կլինեն Ծաղկաձորում և մրցումները կվերսկսվեն օգոստսի 18-ին: