Նախնական մասնագիտական (արհեստագործական) կրթական հաստատությունների այն ուսանողները, ովքեր ուսումնական հաստատություն ընդունվել են հիմնական կրթության հիմքով, 2011-2012 ուսումնական տարվանից սկսած հանրակրթական առարկաների ավարտական քննությունները հանձնելու են հանրակրթական ընդհանուր ծրագրեր իրականացնող ուսումնական հաստատությունների համար սահմանված ընթացակարգով` գնահատման և թեստավորման կենտրոնի կազմած թեստերով:

Կրթության և գիտության նախարարությունից տեղեկացնում են, որ նախնական մասնագիտական (արհեստագործական) կրթական ծրագիր իրականացնող ուսումնական հաստատությունների տնօրեններին ՀՀ կրթության և գիտության նախարար Արմեն Աշոտյանի կողմից հանձնարարական է տրվել` հրամանագրելուց առաջ դիմորդներին տեղեկացնել վերոնշյալի մասին: