Հայաստանում արտահերթ ընտրությունները կարող են կայանալ աշնանը: Այդ մասին Երևանում կայացած մամլո ասուլիսում հայտնել է «Ղարաբաղ» կոմիտեի նախկին նախագահ Աշոտ Մանուչարյանը: Նրա խոսքով, արտահերթ ընտրություններին կարող է հանգեցնել հնարավոր ժողովրդական ապստամբությունը: Ընդ որում, նա նկատել է, որ եթե որևէ կոնկրետ քաղաքական ուժ չուղղորդի ժողովրդին, ապա հայ ժողովուրդը կուղղորդի քաղաքական ուժերին, ինչը, նրա կարծիքով, առանձնապես չի համապատասխանում քաղաքական գործիչների շահերին:
Դրա հետ մեկտեղ Մանուչարյանն ընդգծել է, որ այսօր ապստամբությանը պատրաստ է հայ ժողովրդի 99.9%, այդ թվում և օլիգարխները: Նա նկատել է նաև, որ այսօր Հայաստանում չկա արմատական ընդդիմություն: Նրա խոսքով, ընդդիմությունը պետք է փոփոխությունների աղբյուր լինի, ինչն այսօրվա դրությամբ երկրում չկա:
