Արգենտինայի թենիսի հավաքականը Բելգրադ է ժամանել, որտեղ սեպտեմբերի 16-18 կհանդիպի Սերբիայի հավաքականի հետ Դևիսի գավաթի կիսաեզրափակչում:
Արգենտինայի հավաքականի կազմում Սերբիա են մեկնել Դավիթ Նալբանդյանը, Խուան Մոնակոն, Խուան Մարտին Դել Պոտրոն, Խուան Իգնասիոն և թիմի ավագ Տիտո Վասկեսը:
Սեպտեմբերի 12-ին արգենտինացի թենիսիստներն առաջին մարզումը կանցկացնեն «Բելգրադ արենայում», իսկ սեպտեմբերի 14-ին կկայանա հանդիպումների վիճակահանությունը:
Արգենտինայի հավաքականն անձնական հանդիպումներում 0:1 հաշվով զիջում է Սերբիային, միակ պարտությունը արգենտինացիները կրել են 1964 թվականին:
Դևիսի գավաթի երկրորդ կիսաեզրափակիչ խաղում կմրցեն Իսպանիայի և Ֆրանսիայի հավաքականները: