Թուրքիայի արտգործնախարար Ահմետ Դավութօղլուն սեպտեմբերի 17-ին հայտարարել է, որ Թուրքիան ԱՄՆ-ի օգնության կարիքը չունի Իսրայելի հետ հարաբերություններում առկա խնդիրների լուծման հարցում, հաղորդում է Agence France Presse-ը:
«Թուրքիան ԱՄՆ-ի միջնորդության կարիքը չունի Իսրայելի հետ հարաբերությունների կարգավորման համար»,- հայտնել է ԱԳ նախարարը:
Իսրայելի և Թուրքիայի միջև հարաբերությունները կտրուկ սրվեցին այն բանից հետո, երբ Իսրայելը հրաժարվեց ներողություն խնդրել 2010թ. մայիսին «Խաղաղության նավատորմի» գրոհի ժամանակ Թուրքիայի 9 քաղաքացիների մահվան համար: Որոշ տվյալների համաձայն, Անկարան այժմ պատրաստվում է մի քանի ռազմանավ ուղարկել Իսրայելի ափերի մոտ: