Սփյուռքահայերը մասնակցել են տարազների ցուցադրությանը, այցելել են Ծիծեռնակաբերդ ու Եռաբլուր
Այսօր մեկնարկող Սփյուռքի կազմակերպությունների ղեկավարների և ներկայացուցիչների համահայկական համաժողովի ավելի քան 250 մասնակիցներ ներկա են գտնվել ՀՀ սփյուռքի նախարարության կողմից Հայաստանում իրականացվող «Պոլսահայ համայնքի օրեր» ծրագրի շրջանակներում, երեկ Երևանի Ա.Սպենդիարյանի անվան օպերայի և բալետի ակադեմիական թատրոնում կայացած «Դալար» համույթի ազգային տարազների ցուցադրությանը:
Նախարարությունից հայտնում են, որ Սփյուռքի կազմակերպությունների ղեկավարների և ներկայացուցիչների համահայկական համաժողովի մասնակիցները ցուցադրությունից հետո ծաղկեպսակ և ծաղիկներ են դրել Հայոց ցեղասպանության զոհերի հուշահամալիրում, խնկարկել ու աղոթք կարդացել զոհերի հիշատակին: Այնուհետև Եռաբլուրում հարգել են արցախյան հերոսամարտի զոհերի հիշատակը:
