2011-ի Հայաստանի շախմատի չեմպիոն, գրոսմայստեր Ռոբերտ Հովհաննիսյանը, որը անկախ Հայաստանի նման այսօր դարձել է 20 տարեկան, խոստովանել է, որ վերջին տարիներին հայ մարզիկներն աներևակայելի հաջողությունների են հասել:

«Հայաստանի հավաքականի ամենամեծ ձեռքբերումը 2006-ին Թուրինում տարած հաղթանակն էր, երբ մեր երկիրն առաջին անգամ դարձավ Համաշխարհային օլիմպիադայի հաղթող: Իսկ ինձ համար անմոռանալի էր Հայաստանի հավաքականի հետ աշխարհի չեմպիոնի տիտղոսի նվաճումը»,- PanARMENIAN.Net-ի թղթակցի ասել է շախմատիստը:

Հովհաննիսյանը շնորհավորել է բոլոր հայերին տոնի կապակցությամբ և մաղթել, որպեսզի Հայաստանը երբեք չբավարարվի ձեռք բերածով և մշտապես շարժվի առաջ: