ՎիվաՍել-ՄՏՍ-ի մամլո ծառայությունը հայտնում է, որ ընկերությունը ներկայացնում է ուսանողների համար նախատեսված «ՄՏՍ կոնեկտ ուսանողական» փաթեթը, որը տրամադրում է անսահմանափակ անլար ինտերնետ ամսական ընդամենը 5500 դրամով:Ամեն ամիս փաթեթի բաժանորդները կունենան 3 ԳԲ գերարագ ինտերնետ` առանց արագության սահմանափակման, որի սպառումից հետո ներբեռնման արագությունը կկազմի 384, իսկ վերբեռնմանը` 128 Կբիթ/վրկ:
Փաթեթին մեկ տարով բաժանորդագրվելու դեպքում տրամադրվում է նաև «ՄՏՍ կոնեկտ» մոդեմ` բոլորովին անվճար:
Քարտի հաշիվը և օգտագործած ինտերնետի ծավալը կարելի է ստուգել «Ինտերնետ օգնական» ինքնասպասարկման պորտալից կամ ուղարկելով traffic բառը 2030 կարճ համարին:
«ՄՏՍ կոնեկտ ուսանողական» փաթեթին բաժանորդագրվելիս անձնագրի հետ մեկտեղ անհրաժեշտ է ներկայացնել նաև ուսանողական տոմսը, քանի որ առաջարկը գործում է միայն ուսանողների համար:
