Բակո Սահակյանը Հայաստանի վարչապետին հանձնեց Արցախի «Մեսրոպ Մաշտոց» շքանշան
Հոկտեմբերի 1-ին Արցախի Հանրապետության նախագահ Բակո Սահակյանն ընդունել Է Հայաստանի Հանրապետության վարչապետ Տիգրան Սարգսյանին:
Հանդիպմանը քննարկվել են երկու հայկական պետությունների տնտեսական համագործակցությանը վերաբերող հարցեր:
Նախագահ Սահակյանը Տիգրան Սարգսյանին է հանձնել «Մեսրոպ Մաշտոց» շքանշան, որով ՀՀ վարչապետը պարգևատրվել է ԼՂՀ հռչակման 20-րդ տարեդարձի կապակցությամբ և տնտեսության, մշակույթի, կրթության ու գիտության, առողջապահության, քաղաքական բնագավառներում Լեռնային Ղարաբաղի Հանրապետությանը մատուցած ծառայությունների համար:
Միջոցառմանը մասնակցում էին վարչապետ Արա Հարությունյանը, պաշտոնատար այլ անձինք, հայտնում է Արցախի Հանրապետության նախագահի աշխատակազմի տեղեկատվության գլխավոր վարչությունը:
