Ֆրանսիայի նախագահ Նիկոլյա Սարկոզիի ուշադրությունը Հարավային Կովկասի տարածաշրջանի նկատմամբ կարևոր է Փարիզի երկարաժամկետ քաղաքականության տեսանկյունից: Այդ մասին հայտարարել է ԱՊՀ երկրների հարցերով ռուս փորձագետ Վլադիմիր Ժարիխինը:
«2008-ին Ռուսաստանի և Վրաստանի միջև իրավիճակը ցույց տվեց, որ Սարկոզին այնան քաղաքական իմաստությwuն ունի, որպեսզի առաջարկի փոխզիջումային լուծումեր: Ուստի Ֆրանսիայի նախագահի այցը տարածաշրջան կարևոր է նրա կողմից Հարավային Կովկասի իրավիճակը գնահատելու առումով»,- ասել է Ժարիխինը:
«Այցի ընթացքում կայացվելիք որոշումները և դիրքորոշումները ներգրավվելու են Ֆրանսիայի արտաքին քաղաքականության գերակայությունների մեջ ընտրությունների ցանկացած ելքի դեպքում»,- ասել է ռուս փորձագետը:
Պատասխանելով ղարաբաղյան հակամարտության լուծման համար Սարկոզիի այցի կարևորության մասին հարցին` նա նշել է, որ դա հնարավոր է միայն ԵԱՀԿ ՄԽ համանախագահների` Ֆրանսիայի, Ռուսաստանի և ԱՄՆ-ի նույնանման դիրքորոշման դեպքում:
Հոկտեմբերի 6-7-ը Ֆրանսիայի նախագահ Նիկոլյա Սարկոզին այցելելու է Հայաստան, Ադրբեջան և Վրաստան: