Ճապոնիայի բաց առաջնության երրորդ շրջանում Դավիթ Նալբանդյանը հանդիպել է աշխարհի չորրորդ ռակետ Էնդի Մարեյի հետ (Անգլիա):

Արգենտինահայ թենիսիստը երկու սեթերում զիջել է 6:4, 7:5 հաշվով: Դա թենիսիստների 6-րդ հանդիպումն էր, և 4:2 հաշվով առաջատար է անգլիացին:

«Ես լավ էի խաղում: Խաղի մեծ մասն ինձ հաջողվում էր հաջողությամբ մատուցում կատարել: Դավիթը տուրում լավագույն խաղային ոճերից մեկն ունի, ուստի ես փորձում էի նրան շատ հնարավորություն չտալ բրեյքի համար: Երկրորդ սեթի վերջում նա մոտեցավ ինձ, իսկ ես սկսեցի նյարդայնանալ: Բայց ես գոհ եմ, որ կարողացա խաղն ավարտել երկու սեթերում»,- մեջբերում է Մարեյին ATP պաշտոնական կայքը:

Կիսաեզրափակչում նա կխաղա իսպանացի Դավիթ Ֆերերի հետ:

Նալբանդյանը հոկտեմբերի 22-30-ը Սանկտ Պետերբուրգում հանդես է գալու St. Petersburg Open մրցաշարում, որին մասնակցելու համար նա ստացել է wild card: