Հոկտեմբերի 13-ին և 14-ին ՀՀ կենտրոնական բանկի Ֆինանսական դիտարկումների կենտրոնի և Վերահսկողության վարչության կողմից անցկացվելու է համատեղ դասընթաց` փողերի լվացման և ահաբեկչության ֆինանսավորման (ՓԼ/ԱՖ) կանխարգելման, ինչպես նաև բանկային գործունեության ոլորտներում օրենսդրական պահանջների ու դրանց պրակտիկ կիրառության հետ կապված հարցերի վերաբերյալ:
Դասընթացը նախատեսված է Լեռնային Ղարաբաղի տարածքում գործող առևտրային բանկերի մասնաճյուղերի ղեկավարների, ինչպես նաև հաճախորդների սպասարկման, ՓԼ/ԱՖ կանխարգելման մեջ ներգրավված աշխատակիցների համար:
Շուշիում անցկացվելիք դասընթացը կազմակերպվում է ՀՀ կենտրոնական բանկի կողմից ֆինանսական համակարգի մասնակիցների կրթմանը և կարողությունների զարգացմանն ուղղված պարբերական գործառնությունների շրջանակներում, հաղորդում է ՀՀ ԿԲ մամլո ծառայությունը:
