ՀՀ սփյուռքի նախարար Հրանուշ Հակոբյանն այսօր ընդունել է Մոնրեալի Մաքգիլ համալսարանի գերմանագիտական ուսաումնասիրությունների ամբիոնի պրոֆեսոր, հայագետ Դորա Սաքայանին: Հանդիպման ընթացքում քննարկվել են Սփյուռքում հայապահպանության, կրթական հիմնախնդիրներին առնչվող հարցեր:
Հայագետն անդրադարձավ դեռևս անցյալ տարի կայացած «Արևմտահայերենի ուսուցման վիճակը Սփյուռքում» համահայկական համաժողովին հայերենի երկու տարբերակների արտասանական տարբերությունները վերացնելու ուղղությամբ իր կատարած առաջարկներին` նշելով, որ հայոց լեզվի երկու հատվածների միասնականացումն անհնարին է առանց «աբեղյանական» ուղղագրության վերանայման:
Նախարարը Սաքայանին առաջարկել է պատրաստել տեղեկանք` մանրամասն ներկայացնելով բոլոր հիմնավորումները հայոց լեզվի երկու տարբերակների միջև գոյություն ունեցող ուղղագրական տարբերությունների վերացման վերաբերյալ: