Երևանի քաղաքապետի առաջին տեղակալ, քաղաքապետի պաշտոնակատար Տարոն Մարգարյանը պարգևատրվել է Հայաստանի համայնքների միության անվանական ոսկյա հուշամեդալով` Հայաստանում տեղական ժողովրդավարության զարգացման և անձնական ու նշանակալից ներդրման համար:
Քաղաքապետարանից հայտնում են, որ հուշամեդալը սահմանվել է 2005 թվականին, որով յուրաքանչյուր տարի պարգևատրվում են մեծ ներդրում ունեցող պետական, համայնքային գործիչներ կամ միջազգային կառույցների պաշտոնյաներ, փորձագետներ: Այս տարվա պարգևատրման արարողությունը ներառվել էր Հայաստանում տեղական ինքնակառավարման համակարգի ներդրման 15-րդ տարեդարձի միջոցառումների շրջանակում և հաջորդեց ՀՀ տարածքային կառավարման նախարարության և «Հայաստանի համայնքների միության» կողմից համատեղ անցկացվող «Տարվա լավագույն համայնք» ամենամյա մրցանակաբաշխությանը: Մրցանակաբաշխությանը մասնակցել են նաև ՀՀ վարչապետ Տիգրան Սարգսյանն ու ՀՀ տարածքային կառավարման նախարար, փոխվարչապետ Արմեն Գևորգյանը:
