Գագիկ Մելիքյանն առաջարկում է իրավական դաշտում պարզել, արդյոք Սյունիքի մարզպետը ծեծի է ենթարկել Սիլվա Համբարձումյանին
ՀՀԿ խորհրդարանական խմբակցության անդամ Գագիկ Մելիքյանը մեկնաբանել է տեղեկատվությունն այն մասին, թե իբր Սյունիքի մարզպետ Սուրեն Խաչատրյանը ծեծի է ենթարկել Սիլվա Համբարձումյանին: «Դեպքն իրոք անընդունելի է, սակայն, ես վստահ չեմ, որ դա իրոք տեղի է ունեցել»,-հայտարարել է պատգամավորը՝ նշելով, որ իմացել է այդ միջադեպի մասին մամուլից: Մելիքյանը նշել է, որ մարզպետի մամլո ծառայությունը հերքել է այդ տեղեկությունը և առաջարկել է կողմերին իրավական դաշտում պարզել արդյոք նման դեպք տեղի է ունեցել, թե ոչ:
Ըստ որոշ հայկական ԶԼՄ-ների հրապարակումների, նոյեմբերի 14-ի երեկոյան Սյունիքի մարզպետ Սուրեն Խաչատրյանը «Մարիոթ» հյուրանոցում իբր ծեծի է ենթարկել գործարար Սիլվա Համբարձումյանին:
