Թուրքական խորհրդարանի երկու պատգամավորներ Սելահադդին Դեմիրթաշը և Սյուրեյա Օնդերը կազմակերպում են ակցիաներ՝ ի պաշտպանություն վերջերս ձերբակալված «Բելգե» հրատարակչության խմբագրի, իրավապաշտպան Ռագիփ Զարաքոլուի, գրում է Milliyet-ը:
Պատգամավորները բաժանում են այլ խմբագրությունների գրքեր, որոնք կողմնակից են Զարաքոլուին և նրա հրապարակումները:
Հոկտեմբերի վերջին իրավապաշտպան, հանրային գործիչ և «Բելգե» -ի խմբագիր Ռագիփ Զարաքոլուն բանտարկվել է թուրք իրավապահ մարմինների կողմից՝ հակաահաբեկչական գործողության շրջանակներում: Նա մեղադրվում է քրդական հակակառավարական կազմակերպություններին սատարելու մեջ:
Ռագիփ Զարաքոլուն հայտնի է Օսմանյան կայսրությունում իրականացված ցեղասպանությունների վերաբերյալ իր հետազոտություններով, ինչպես նաև Թուրքիայի տարածքում բնակվող փոքրամասնությունների վերաբերյալ իրավապաշտպան գործունեությամբ:
