Նոյեմբերի 22-ին «Ռուսաստանի հայերի և հրեաների միություն» նախագծի շրջանակներում տեղի ունեցավ Մոսկվայի հայ և հրեա հանրության ներկայացուցիչների հանդիպումը, որտեղ քննարկվեց Հայոց ցեղասպանության հարցը, գրում են ռուսական ԶԼՄ-ները:
Հանդիպումը կազմակերպվել էր «Օր Ցիան» միջազգային սիոնիստական շարժման աջակցությամբ: Ցուցադրվեցին տեսա և լուսանկարչական նյութեր Հայոց ցեղասպանության մասին պատմող արխիվային կադրերով, քննարկվեցին Համաշխարհային հանրության, անշուշտ, նաև Իսրայելի կողմից Հայոց ցեղասպանության ճանաչմանն առնչվող հարցեր:
Մասնակիցները նշել են, որ Իսրայելի հանրությունը չի ժխտում Հայոց ցեղասպանության փաստը և ընդհանուր առմամբ հայ-իսրայելյան հարաբերությունների ջերմացումը օգտակար կլինի երկու կողմերին:
Հատկանշական է, որ միջոցառման ժամանակ հայտարարվեց, որ «Օր Ցիան» միջազգային սիոնիստական շարժումը, որը խոշորագույնն է ԱՊՀ-ում և որը ղեկավարում են Լեվի Շեպտովիցկին և Էլիզեր Ֆրիդլյանդը, պաշտոնապես ճանաչում է Հայոց ցեղասպանությունը և մտադիր է մասնակցել 2012թ. ապրիլի 24-ի հիշատակի միջոցառումներին:
