Դեկտեմբերի 3-ին Երևանի Կոմիտասի անվան պետական կոնսերվատորիայի դահլիճում տեղի է ունենալու հանրահայտ դաշնակահար Ալեքսանդր Թորաձեի կողմից վարպետության դաս: Հաջորդ օրը Թորաձեն կմասնակցի Ալ. Սպենդիարյանի անվան օպերայի և բալետի ազգային ակադեմիական թատրոնում տեղի է ունենալիք Սպիտակի երկրաշարժի զոհերի հիշատակին նվիրված համերգին:
Ալեքսանդր Թորաձեն ծնվել է Թբիլիսիում, ավարտել է Մոսկվայի Պ. Չայկովսկու անվան կոնսերվատորիան և դարձել նույն ԲՈՒՀ-ի դասախոս: 1983 թ-ին տեղափոխվել է ԱՄՆ, իսկ 1991 թ-ին դարձել Ինդիանա նահանգի Սաութ-Բենդեյի համալսարանի պրոֆեսոր, որտեղ նա մշակել է դասավանդման նոր համակարգ: Թորաձեն ելույթ է ունեցել BBC-ի նվագախմբի, Լոնդոնի սիմֆոնիկ նվագախմբի, Ցինցինատիի, Դրեզդենի և այլ քաղաքների, Գյուլբենկյան հիմնադրամի նվագախմբերի հետ:
Դաշնակահարը համարվում է իր ժամանակի ամենավիրտուոզ կատարողներից մեկը, ով նվագում է ռոմանտիզմի ավանդույթներով: