ԱԱԽ պաշտոնական մարմին Libya Now-ն հաղորդում է, որ Աբդելհաքիմ Բելհաջը, որը ՆԱՏՕ-ի աջակցությամբ ԱԱԽ մարտիկների կողմից Տրիպոլիի գրավումից հետո լիբիական մայրաքաղաքի ռազմական պարետն էր դարձել, ներկայումս օտար անվան տակ գտնվում է Թուրքիայում, հաղորդում է Rosbalt.ru-ն:
Ներկայանալով որպես Սալեմ ալ-Ալվանի՝ նա թուրք-սիրիական սահմանին է գտնվում՝ գլխավորելով 700 հոգուց բաղկացած գումարտակը, նա պատրաստվում է Սիրիա ներխուժել այդ երկրի ընդդիմության կողմից իրականացվող ահաբեկչական հարձակումներին մասնակցելու համար:
Libya Now-ի փաստերի համաձայն, Բելհաջը «կմասնակցի Սիրիայի ազատագրման գործողությանը՝ ղեկավարելով ազատ Լիբիայի մարտիկներին, իսկ Թուրքիան ռազմական աջակցություն կցուցաբերի»:
Նոյեմբերի 25-ին արաբական ԶԼՄ-ները հաղորդեցին, որ Բելհաջին բերման են ենթարկել Տրիպոլիի օդանավակայանում կեղծ անձնագրով և խոշոր գումարով արտասահման մեկնելու փորձ կատարելիս: Նա ազատ արձակվեց Մուստաֆա Աբդել Ջալիլի ուղղակի կարգադրությամբ: