Կովկասի բոլոր երկրների շահերից է բխում տարածաշրջանի միավորումը: Այդ մասին Հայաստանի նախագահ Սերժ Սարգսյանի հետ համատեղ մամլո ասուլիսում հայտնել է Վրաստանի նախագահ Միխայիլ Սահակաշվիլին:
«Վրաստանի և Հայաստանի միջև հարաբերություններն օրինակելի են: Միևնույն ժամանակ ուզում եմ ասել, որ մեր հայեցակարգը հիմնված է Կովկասի միասնական հայեցակարգի վրա: Ես վստահ եմ, որ Կովկասում առկա բոլոր հակամարտությունները ուժային կայսրության կողմից են հրահրված, որի հիմնական սկզբունքն է բաժանել և իշխել: Կովկասի բոլոր երկրների շահերից բխում է քաղաքական համագործակցության ստեղծումը: Դա անպայման կիրագործվի»,- հայտնել է Սահակաշվիլին:
Նրա խոսքով` միասնական Կովկասի մասին գաղափարը վերաբերում է Կովկասի բոլոր երկրներին: Վրաստանի նախագահը վստահ է, որ Կովկասին արհեստականորեն փաթաթված հակամարտությունը վաղ, թե ուշ կկարգավորվի, հաղորդում է Գրուզիա Online-ը:
