Տարածաշրջանում խնդիրների լուծումը հնարավոր է միայն բանակցությունների ճանապարհով: Այդ մասին Թբիլիսիում Վրաստանի նախագահ Միխայիլ Սահակաշվիլիի հետ համատեղ մամլո ասուլիսում հայտնել է Հայաստանի նախագահ Սերժ Սարգսյանը:
«Մենք պետք է բանակցություններ վարենք և այդ ճանապարհով լուծենք առկա խնդիրները, քանի որ մենք կոչված ենք ապահովելու մեր ժողովուրդների անվտանգ կյանքը»,- ընդգծել է նա:
Սերժ Սարգսյանը կոչ է արել տարածաշրջանում անվտանգության ապահովման ուղղությամբ կոնկրետ քայլեր ձեռնարկել: «Կարծում եմ, որ միայն բանակցությունների ճանապարհով մենք կկարողանանք նվազեցնել լարվածությունը տարածաշրջանում, ինչը կարող է նպաստել մեր հետագա զարգացմանը»,- ասել է ՀՀ նախագահը, հաղորդում է Գրուզիա Online-ը: