Այսօր Երևանում տեղի կունենա Հայաստանի Ազգային Ժողովի նախագահի ընտրության վերաբերյալ քվեարկությունը: Այդ պաշտոնին հավակնում է Հայաստանի իշխող Հանրապետական կուսակցության (ՀՀԿ) ներկայացուցիչ Սամվել Նիկոյանը:
Դեկտեմբերի 1-ին ՀՀԿ Խորհրդի նիստում որոշվեց այդ պաշտոնին առաջադրել փոխխոսնակ Սամվել Նիկոյանին: Ներկայումս նա խոսնակի պաշտոնակատարն է:
Հայաստանի Ազգային ժողովի նախագահի պաշտոնը թափուր դարձավ այն բանից հետո, երբ նոյեմբերի 1-ին Հովիկ Աբրահամյանը հրաժարական տվեց: Հովիկ Աբրահամյանի խոսքով` այն բանից հետո, երբ ՀՀ նախագահ Սերժ Սարգսյանն իրեն հանձնարարեց գլխավորել նախընտրական շտաբը, ինքն իր անձնական նախաձեռնությամբ առաջարկեց հրաժարական տալ, որպեսզի ավելի արդյունավետ ձևավորի շտաբն ու նախընտրական աշխատանքներ իրականացնի: