Չնայած «Ժառանգության» հակազդեցությանը, Ազգային ժողովն առաջին ընթերցմամբ ընդունել է «Շրջակա միջավայրի վրա ազդեցության փորձաքննության մասին օրենքում» փոփոխություններ ու լրացումներ կատարելու մասին օրինագիծը:

Հարկ է նշել, որ «Ժառանգության» ղեկավար Ստեփան Սաֆարյանն առաջարկել էր հետաձգել քվեարկությունը, իսկ երբ նրա առաջարկությունը չընդունվեց, նա 20-րոպեանոց ընդմիջում պահանջեց էներգետիկայի ու բնական պաշարների նախարար Արմեն Մովսիսյանի հետ հեռախոսազրույցի համար:

Օրենքն ընդունվել է 63 «կողմ», 7 «դեմ» և 2 «ձեռնպահ» ձայների հարաբերակցությամբ: Դա վիճահարույց օրենք է և պետք է ընդունվեր դեռ նախորդ շաբաթ ԱԺ արտահերթ նիստում, սակայն, հետաձգվել էր, կրկին «Ժառանգության» պահանջով: