ԱՄՆ Սենատը դեռ չի հրաժարվել Բրայզայի թեկնածությունից Ադրբեջանում դեսպանի պաշտոնում և նախկինի պես դիտարկում է այն, ճեպազրույցում հայտարարել է ԱՄՆ պետդեպարտամենտի պաշտոնական ներկայացուցիչ Մարկ Թոները:
2010թ. դեկտեմբերին 1,5 տարվա բացակայությունից հետո Ադրբեջանում ԱՄՆ նախագահ Օբաման դեսպան նշանակեց Մեթյու Բրայզային:
Ըստ ԱՄՆ սահմանադրության, նախագահի առաջադրած թեկնածությունները պետք է հաստատի ԱՄՆ Սենատը: Սակայն, երբ Կոնգրեսը գտնվում է արձակուրդում, նախագահը կարող է միանձնյա որոշումներ կայացնել կադրերի ընտրության գործում:
Նախագահի հրամանագիրը հնարավորություն է տալիս նրա ընտրայլներին անհապաղ ստանձնել պարտականությունների կատարումը՝ չսպասելով Սենատի հաստատմանը: Սակայն եթե սենատորները չեն հաստատում թեկնածությունը մինչ Կոնգրեսի հաջորդ նստաշրջանը (2011 նոյեմբեր-դեկտեմբեր), հրամանագիրը կորցնում է ուժը:
Այսպիսով, այս ամիս Բրայզայի լիազորությունների ժամկետը սպառվում է և նրա թեկնածությունը պետք է հաստատվի Սենատում:
