Դեկտեմբերի 15-ին Բուենոս Այրեսում մեկնարկում է թենիսի ավանդական Copa Peugeot մրցաշարը, որն արդեն 8-րդ անգամ է անցնում:

Ինչպես յուրաքանչյուր տարի, այս անգամ ևս մրցաշարին կմասնակցեն 6 թենիսիստներ: Դեկտեմբերի 14-ին տեղի ունեցավ մրցաշարի վիճակահանությունը, որոշվեցին խմբերը:

Արգենտինահայ Դավիթ Նալբանդյանը կխաղա B խմբում: Նրա մրցակիցները կլինեն Խուան Կառլոս Ֆերերոն (Իսպանիա) և Մարկոս Բաղդադիսը (Հունաստան):

A խմբում են հայտնվել Գաել Մոմֆիսը Ֆրանսիայից, Էդուարդո Շվանկը Արգենտինայից և Ֆերնանդո Գոնսալեսը Չիլիից: Նալբանդյանի առաջին հանդիպումը կլինի Ֆերերոյի հետ: Մրցաշարը կավարտվի դեկտեմբերի 18-ին: