Ցեղասպանությունների ժխտման քրեականացման մասին օրինագծի ընդունումից հետո Ֆրանսիան չի կարողանա իրականացնել միջնորդի գործառույթները Լեռնային Ղարաբաղի հակամարտության կարգավորման գործում, քանի որ դա կթուլացնի նրա դիրքերը: Ֆրանսիայի Սենատում ցեղասպանությունների, այդ թվում` Հայոց ցեղասպանության ժխտման քրեականացման մասին օրինագծի ընդունման վերաբերյալ քննարկմանը նման կարծիք է հայտնել Ֆրանսիա-Ադրբեջան միջխորհրդարանական խմբի ղեկավար Էմբրուա Դյուպոնը:
«Մեր խնդիրն է խաղաղության բերել երկու երկրներին, որոնց միջև երկար ժամանակ չկան հարաբերություններ: Շատ նախագահներ երկրներին կոչ են արել խաղաղ ճանապարհով լուծել առկա խնդիրները»,- հավելել է սենատորը:
Այդ միջոցին Սոֆի Ժուասսանը արտահայտվել է օրինագծի ընդունման օգտին: