Ֆրանսիան կորցրել է ղարաբաղյան հակամարտության կարգավորման գործընթացում իր անկողմնակալ դերը: Այդ մասին հայտարարել է Թուրքիայի փոխվարչապետ Բյուլենտ Առինջը: Ինչպես հայտնում են թուրքական ԶԼՄ-ը, Ֆրանկֆուրտում կայացած մամուլի ասուլիսում Առինջը հայտարարել է, որ ընդունելով Հայոց ցեղասպանության ժխտումը քրեականացնող «դիսկրիմինացիոն» օրինագիծը, Ֆրանսիան, ըստ էության, կասկածի տակ է դրել ԵԱՀԿ ՄԽ-ում արդարացի միջնորդի իր դերը:

Հունվարի 23 Ֆրանսիայի Սենատը կողմ է քվեարկել ցեղասպանությունների ժխտումը քրեականացնող օրինագծին, որը 2011թ դեկտեմբերի 22 ընդունել էր ստորին պալատը: Օրինագծի հեղինակն է Վալերի Բուայեն: Ինչպես հայտնել են նախագահի վարչակազմից, օրինագիծը կգործարկի 14 օրվա ընթացքում: