Հունվարի 26-ին ՀՀ Ազգային ժողովի նախագահ Սամվել Նիկոյանն ընդունեց Հայաստանում Քուվեյթի արտակարգ և լիազոր դեսպան Բասսամ Մուհամմադ ալ Քաբանդիին:
Ողջունելով հյուրին` ՀՀ ԱԺ նախագահը շնորհավորեց նրան նշանակման առթիվ և վստահություն հայտնեց, որ նա պաշտոնավարման ընթացքում իր ողջ ներուժը կօգտագործի երկու երկրների հարաբերությունները բոլոր մակարդակներով զարգացնելու համար:
Քուվեյթի դեսպանը նույնպես կարևորեց երկկողմ հարաբերությունների ամրապնդումը, այդ համատեքստում ընդգծելով երկու երկրների խորհրդարանների միջև կապերի զարգացումը և Քուվեյթում փետրվարին կայանալիք խորհրդարանական ընտրություններից հետո Քուվեյթ- Հայաստան պատգամավորական բարեկամության խմբի կազմավորումը:
Զրուցակիցները բարձր գնահատեցին Քուվեյթի հայ համայնքի դերը` նրան դիտարկելով ոչ միայն որպես կամուրջ երկու երկրների միջեւ, այլև տնտեսական կապերի աշխուժացման գրավական: