Վենետիկի կինոփառատոնի նոր տնօրեն Ալբերտո Բարբերան կրճատում է մրցույթային ֆիլմերի թիվը մինչև 20-ի, չեղյալ է համարում Controcampo Italiano հատուկ բաժինը, որը նվիրված է ժամանակակից իտալական կինեմատոգրաֆիային, և ընտրության ավելի խիստ չափանիշներ է ներմուծում «Հորիզոններ» զուգահեռ ծրագրում, հաղորդվում է Վենետիկի բիենալեի պաշտոնական կայքում, որի մի մասն է կինոփառատոնը:
Ծրագրի կրճատումը կընդգծի ընտրության խստությունը և թույլ կտա ավելի հաջող կազմել կարգացուցակը՝ մեծ ուշադրություն դարձնելով յուրաքանչյուր ընտրված կինոնկարին, ասվում է բիենալեի ղեկավարության հայտարարությունում: Մրցույթից դուրս Վենետիկի կինոփառատոնի նոր տարբերակում կարող է կայանալ 11-ից ոչ ավել համաշխարհային պրեմիերա, իսկ «Հորիզոններ» ծրագիրը ներառելու է միայն կարճամետրաժ և լիամետրաժ ֆիլմեր:
Փառատոնը Բարբերայի ղեկավարւթյան տեղի կունենա Լիդոյում 2012-ի օգոստոսի 29-ից սեպտեմբերի 8-ը:
